Situata në Siri, Maqedonia brengoset nga vala e refugjatëve

Zhvillimet në Siri pritet që të sjellin krizë të re emigrantësh edhe në Maqedoni, ka deklaruar ministrja e mbrojtjes Radmila Shekerinska. Sipas saj rastet e tilla si kjo e Sirisë nuk janë në favor të vendeve të vogla siç është Maqedonia.

Sheqerinska ka shprehur nevojën për ekzistimin e një sistemi të përhershme në vend për përballjen me situata të tilla duke shtuar se është shumë e rëndësishme për vendin të jetë pjesë e sistemit për siguri kolektive.

“Ajo që po ndodh me mijëra kilometra larg nesh do të ketë ndikim edhe ndaj Maqedonisë edhe me rritjen e presionit të migrantëve por edhe me një situatë globale e cila nuk ju konvenon shteteve të vogla. Ne po bëhemi gati, përgatitemi që gjatë ditëve të ardhshme të kemi takime edhe me ministrinë e brendshme dhe me të gjitha institucionet tjera rreth rritjes së mundshme të presionit të kufirit. Edhe pas sulmeve të ndodhura në Siri është e qartë se presioni ndaj kufirit ekziston, nuk është i dukshëm sa në vitin 2015, por fakti se para pak kohësh kishim qindra emigrantë të cilët në mënyrë ilegale tentuan ta kalojnë kufirin dhe për fat u kapën tregon se Maqedonia dhe rajoni duhet të mësohen se kjo do të zgjasë dhe se patjetër të kemi sistem i cili do të jetë gjithmonë aktiv dhe jo vetëm kur të jetë e nevojshme” – thotë ministrja e Mbrojtjes, Radmilla Sheqerinska.