Grubi: Treguam se mund të jemi një tregim i suksesshëm

Kryetari i Komisionit për Çështje Evropiane, Artan Grubi, bashkë me anëtarët e Komisionit , realizuan takim pune me Delegacionin e Senatit të Republikës së Çekisë, të udhëhequr nga Jiri Shestak, nënkryetar i Senatit të Republikës së Çekisë. 

 

Grubi theksoi se takimi ndodh në një moment shumë interesant, në dritën e publikimit të Raportit për progresin e vendit nga ana e Komisionit Evropian.

 

Në atë kontekst, Grubi theksoi se Komisioni Evropian, si rezultat i progresit të arritur, në mënyrë të pakushtëzuar do të rekomandojë hapje të negociatave për anëtarësim me Maqedoninë.

 

“Maqedonia, me vendosjen e shumicës së re reformuese, dëshmoi se mund të jetë tregim i suksesshëm dhe për një periudhë relativisht të shkurtër të japë rezultate të cilat miqtë nga Bashkimi Evropian i njohën dhe shpërblyen në mënyrë adekuate”, tha Grubi në takimin me kolegët e tij çekë.

 

Grubi informoi se hapat që u ndërmorën para ca kohe, që rezultuan me nënshkrim të Marrëveshjes për miqësi, fqinjësi të mirë dhe bashkëpunim me Republikën e Bulgarisë.

 

Në frymën e fqinjësisë së mirë dhe mirëkuptimit të ndërsjellë, bëhen përpjekje për tejkalimin e kontestit me emrin me Greqinë, me ç’rast, nga ana e Grubit u vlerësua se zgjidhja është më afër se kur.

 

U diskutua edhe për finalizimin e elementit legjislativ të Marrëveshjes së Ohrit si kontribut i veçantë në vendosjen e një shoqërie kohezive dhe të qëndrueshme.

 

Grubi e theksoi edhe konstruktivitetin e kohëve të fundit të opozitës dhe vendimin e tyre për t’u kthyer në punën e Parlamentit që të japin kontribut të tyre në finalizimin e projekteve ligjore reformuese në interes të ardhmërisë eurointegruese të Republikës së Maqedonisë.

 

Grubi kërkoi  edhe mbështetje konkrete nga Republika e Çekisë për të ndihmuar në proceset të cilat do të mundësojnë marrje të ftesës për anëtarësim të Republikës së Maqedonisë në NATO.

 

Në fund të takimit u konkludua se vizitën e delegacionit çek deputetët e shikojnë si inkurajim dhe mbështetje për aspiratat euroatlantike të RM-së.