Zgjerimi i ekzekutivit, Gashi: Zaev të zgjedhë njërën nga “Besa”-t

Pas takimit të kryeministrit me kreun e Besës, Bilall Kasamin, kreu i Besës tjetër, Afrim Gashi, potencoi sot se Zaevi duhet të zgjedhë mes dy Besave, pasi tashmë është e qartë se dy krahët kanë filluar rrugëtimin si subjekte të veçanta e nuk bashkohen.

 

Gjithsesi pohon se bisedimet ende janë larg ndarjes së resorëve.

 

“Nuk kemi arritur ende te pjesa teknike e resoreve. Sinqerisht u them se të gjitha bisedat deri tani kanë qenë në funksion të bisedimeve parimore se si do të duhet të funksiononte qeveria e ardhshëm. Unë mendoj se kryeministri nuk do që problemet e jashtme t’i sjellë në qeveri. Në të dy grupet kemi një kontest dhe opinioni është i lodhur me të. Mendoj se Zaevi duhet të zgjedhë njërën prej këtyre dy subjekteve, por megjithatë është vendimi i tij”,- deklaroi kryetari i Lëvizjes Besa, Afrim Gashi.