Izraeli, 70 vite shtet. Netanyahu: Zgjasim dorën e paqes

 

Kryeministri izraelit, Benjamin Netanyahu theksoi se pavarësia e Izraelit do të thotë edhe aftësi për vetëmbrojtje. Ai i drejtoi një mesazh vendeve të rajonit: “Dora jonë zgjatet në paqe për të gjithë fqinjët tanë që e duan paqen”.

 

Më pas, së bashku me presidentin Reuven Rivlin falenderoi shefin e Shtëpisë së Bardhë Donald Trump për njohjen e Jeruzalemit si kryeqytetin e shtetit hebre ne muajin dhjetor. Nëntorin e 1947-tës, një ditë para votimit të pritshëm në OKB mbi ndarjen e Palestinës në shtete hebraike dhe arabe, CIA i kërkoi Presidentit Harry Truman të mos entuziazmohej shumë nga ideja.

 

“Amerikës do t’i duhet ta mbrojë vendin e ri hebre”, thuhej në memon e fshehtë te agjencisë qendrore të inteligjencës. “Hebrenjtë, vazhdonte ajo, nuk do të rezistojnë dot më shumë se 2 vjet”.

Disa muaj me vonë, David Ben-Gurion ishte gati të shpallte krijimin e shtetit të Izraelit.

 

I ulur mes dhjetëra burrave që do të përcaktonin fatin e kombit në formim, ai u kthye nga njeri prej krerëve të vet më të rëndësishëm ushtarake, Yigael Yadin, dhe e pyeti nëse mendonte se një shtet i ri hebre do t’i mbijetonte reagimit të pashmangshëm arab.

 

Yadin tha se shanset ishin 50 me 50. sot, të tilla histori duken si relike të një kohe tjetër. Në 70 vjetorin e tyre të pavarësisë, izraelitet thotë Bloomberg, janë mëse të ndërgjegjshëm dhe thellësisht krenarë për faktin se vendi i tyre i plotësoi dhe i tejkaloi ambiciet e burrave dhe grave qe e themeluan dekada më parë.Top Channel