Maqedoni
Nesër anulohet protesta për rastin monstra
24.07.2014 18:06
Këshilli organizativ i protestave paqësore lidhur me rastin ‘Monstra’, njofton se anulohet protesta e paraparë për ditën e nesërme...
Këshilli organizativ i protestave paqësore lidhur me rastin ‘Monstra’, njofton se anulohet protesta e paraparë për ditën e nesërme.
‘Përkrahja juaj në këto protesta për rastin e montuar politik “Monstra”, është zbutje e madhe e dhimbjes sonë familjare. Posaqërisht , duke e pasur parasysh që në këto ditë të Ramazanit, ju keni qenë në anën e drejtësisë dhe na keni përkrahur pa rezerve, duke sakrifikuar nga koha juaj e çmuar”, thuhet në njoftimin e Këshillit Organizativ.
"Duke e pasur parasysh që jemi në prag të Fitër Bajramit, jemi të vetëdijshëm që këto ditë nga qytetarët më shumë do të frekuentohet Çarshia e Shkupit dhe Mavrovasja dhe se në këto festa ndrrmarrjet e ndryshme shqiptare presin që të përmirësojnë sadopak gjendjen e tyre të rëndë sociale. Prandaj , në emër të gjithë familjarëve, ne Këshilli Organizativ Koordinues, në shenjë respekti ndaj kësaj feste të madhe,kemi vendosur që këtë të premte të mos dalim në protesta, dhe i ftojmë qytetarët shqiptarë që këto ditë t’ia përkushtojnë festës së Fitër Bajramit”, theksojnë nga Këshilli Organizativ, sipas të cilëve protestat paqësore do të vazhdojnë nga java e ardhshme.