Dagestan: Vriten nëntë kryengritës

Komitetit anti-terror rus ka shkruar në ueb-faqen e tij se ka pranuar informacione se ata po planifikonin një sulm.

Sipas autoriteteve ruse, ata ishin fshehur në Derbent, që është qyteti i dytë më i madh në republikën me shumicë myslimane të Dagestanit. 

Komiteti tha se zyrtarët kanë gjetur dy grupe të personave të dyshuar në Derbent dhe i ka urdhëruar ata që të dorëzohen. 

Por, të dyshuarit kanë refuzuar dhe janë vrarë gjatë përleshjeve me armë zjarri. 

Në Dagestan, në vitet e fundit ka pasur operacione të ngjajshme të policisë, ndaj pjesëtarëve të dyshuar të grupit militant, Shteti Islamik.