Jemen, sulm ajror gjatë një dasme, 20 të vdekur

Sulmet filluan teksa familja merrte nusen në distriktin Bani Qayis.

Ambulancat nuk kanë mundur të arrijnë në vendin e ngjarjes, pasi sulmet ajrore ende vazhdonin.

Më shumë se 10 mijë civilë janë vrarë dhe qindra të tjerë kanë mbetur të plagosur nga tri vite të luftës në Jemen. Sipas raportit të Kombeve të Bashkuara, rreth 22 milionë njerëz, apo 80% e popullatës, kanë nevojë për ndihma humanitare.

OKB ka akuzuar koalicionin e drejtuar nga Arabia Saudite për krime të luftës.