Integrimi euroatlantik i Maqedonisë, Pendarovski: Perëndimi nuk i humbi shpresat; Bartoli: Maqedonia në NATO, sapo ta zgjidhë emrin; Ambasadorët: reformat të realizohen në tërësi

Koordinatori kombëtar për në NATO, Stevo Pendarovski, tha se Perëndimi nuk humbi shpresa për kthimin e Maqedonisë në Europë dhe në NATO, aty ku e ka vendin, duke shtuar se modeli i demokracisë perëndimore është sistem më i mirë nga të gjithë të mbeturat.

 

Pendarovski theksoi se kohën e fundit vendi ka realizuar shumë reforma demokratike pa ndërhyrjen e faktorit ndërkombëtar dhe se integrimi në NATO dhe në BE do të ishte produkt i brendshëm dhe jo dhuratë. 

 

Pendarovski potencoi se gjithsesi vazhdon propaganda e keqpërdorimit të kontestit të emrit të Maqedonisë dhe Greqisë, dhe keqinformimi i opinionit rreth politikave eurointegruese të vendit.

 

“Alternativat për integrim euroatlantik i shohim në rajon disa vite dhe modelet liberale të autokrateve të personalizuara i abuzojnë dallimet lokale dhe heterogjenizmin e rrethit, me qëllim që të tregojnë se variantet perëndimore të demokracisë liberale nuk sjellin prosperitet. Në Maqedoni modele të këtilla të importuara i abuzojnë raportet ndëretnike, kohën e fundit e abuzojnë edhe çështjen e emrit mes Maqedonisë dhe Greqisë. Më shpesh, nëpërmjet lajmeve të rreme dhe propagandës së paguar politike, na bindin se devijime të caktuara në funksionimin e shoqërisë perëndimore, të cilat edhe ekzistojnë, në fakt janë rregull në BE”,- tha koordinatori kombëtar për në NATO, Stevo Pendarovski.

 

Ndërkohë, shefi i misionit të NATO–s në Shkup, Gozard Bartol, tha se Maqedonia do të bëhet anëtarja e 30 e NATO-s sapo ta zgjidh çështjen e emrit me Greqinë.

 

“NATO-ja e fton vendin tuaj të kyçet në Aleancë, menjëherë pasi të gjendet zgjidhja e pranueshme me kontestin e emrit në mes Greqisë dhe Maqedonisë në kuadër të bisedimeve me Kombet e Bashkuara. NATO-ja është e interesuar për bashkëpunim me vendet të cilat nuk janë pjesë e saj, por reformat të cilat kërkohen dhe janë të nevojshme për anëtarësim, janë komplekse dhe të vështira, kërkojnë kohë dhe mjete financiare”,- theksoi shefi i misonit të NATO-s në Shkup, Gorazd Bartoll.

 

Ambasadorët e dy anëtareve kyçe të BE-së, Gjermanisë dhe Francës, theksuan nevojën për realizimin në tërësi të reformave të nevojshme.

 

“Brenda një viti vendi juaj ka përparuar shumë, megjithëkëtë ka edhe shumë punë për t’u bërë, p.sh. në lidhje me kulturën e kompromisit. Duhet të dalim nga alternativa se ose duhet të ndodh integrimi, ose të ndodhin luftëra në vendet e ish-Jugosllavisë. Ky konstatim nuk i shërben askujt. Duhet të gjendet rruga e mesme dhe ajo është rruga e optimizmit dhe durimit dhe ne jemi këtu t’u ndihmojmë”,- theksoi ambasadori i Francës, Kristijan Timonie.

 

Ndërkohë, për Qeverinë e Maqedonisë muajt në vijim janë vendimtarë për të ardhmen e vendit. Ajo pret nga Këshilli Europian që në Samitin e qershorit t’i japë datë për fillim të negociatave për anëtarësim në BE, ndërsa në korrik në Samitin e Aleancës në Bruksel të marrë ftesë për integrim në NATO.