Fondet IPA në bujqësi, AP: Fonde ka, të shfrytëzohen maksimalisht

Oda Ekonomike kërkon që edhe komunat të shfrytëzojnë në maksimum fondet IPA në bujqësi, për shkak se programi për periudhën 2014-2020 mundëson realizimin e shumë projekteve të vogla nga 10.000, 20.000 dhe 50.000 euro.

Vendi duhet më tepër të fokusohet në rregullat për prodhim konkurrent kualitativ, i cili do t’i mundësojë industrisë së prodhimit të tërheq më tepër para, thonë nga Agjencia e pagesave.

“Tashmë janë nënshkruar mbi 100 marrëveshje. Presim për një muaj apo një e gjysmë të shpallim thirrje të re. Shuma mbi 4,6 milion euro kofinancim është kontraktuar në këto projekte. Do të bëjmë gjithçka që maksimalisht t’i shfrytëzojmë programet në periudhën 2014-2020”,- tha drejtori i Agjencisë së pagesave, Nikollçe Babovski.

JAZBEC: SHFRYTËZONI POTENCIALIN TUAJ, NE DO T’JU NDIHMOJMË

Por, rruga për shfrytëzimin e parave europiane është rrugë e vështirë, sepse duhet të kalohet në procedura të komplikuara dhe burokratike, madje duhet edhe dije konkrete dhe njohje e terrenit, theksoi ambasadori i Sllovenisë në Maqedoni, Milan Jazbec.

“Maqedonia ka potencial të madh. Muajin e ardhshëm në Maqedoni do të vijë ekipi slloven, i cili do të sjellë përvojat tona dhe do të mundësojë programin “Mëso – Si”, i cili është i nevojshëm për Maqedoninë për shfrytëzim efikas të fondeve IPA”,- tha ambasadori i Sllovenisë në Maqedoni, Milan Jazbec.

Interesim më të madh për shfrytëzimin e fondeve IPA kanë shprehur industria përpunuese dhe sektori bujqësor. Deri në vitin 2020,  nga IPA fondet për bujqësi, Maqedonia  ka në dispozicion 80 milion euro, u tha në këtë konferencë. (Nermin Mulaki Fejzullahu, TVM2)