Skandali i abuzimeve, arkipeshkvi australian lë detyrën

Arkipeshkvi i Adelaides, Philip Uilson, i dënuar për mbulimin e krimeve seksuale ndaj fëmijëve, do të heqë dorë nga detyrat e tij si arkipeshkv, pasi u shpall fajtor për fshehjen e krimeve të një prifti pedofil në vitet 1970.

Ai është zyrtari më i lartë i Kishës Katolike në botë që dënohet për krime të tilla. Ai nuk tha nëse do ta apelojë vendimin e gjykatës, siç kishte pretenduar më herët, por shtoi se, nëse në të ardhmen do të ketë e nevojshme apo e përshtatshme, ai do të heqë dorë edhe nga titulli arkipeshkv.

Vendimi për Uilson do të jepet në qershor dhe ai rrezikon një dëmin maksimal prej dy vitesh burgim. Analistët thonë se dëshmitarët e shumtë kundër tij e bëjnë një përpjekje të pavlerë apelimin e vendimit, ndaj dhe arkipeshkvi duket se e ka pranuar fatin e tij.

Në gjyq, prokurorët vërtetuan se Uilson kishte pasur dijeni për dhunën seksuale që një prift kryente ndaj fëmijëve, por nuk bëri asgjë. Sipas gjykatës, Uilson vendosi të fshihte tmerrin e përjetuar nga fëmijët për të mbrojtur reputacionin e kishës.