2 vite burg për Gruevskin

Vendimi në Gjykatën Themelore Shkup 1 u shpall nga gjykatësja, Dobrilla Kacarska, për blerjen e “mercedesit” luksoz.  Vendimi u shpall në mungesë të Gruevskit, i cili nuk ishte i pranishëm në sallën e gjykatës derisa shpallej vendimi.

 

Ai në fjalën përfundimtare ditë më parë ka thënë se bëhet fjalë për ndjekje politike dhe gjeneratat e ardhshme do të çuditen se përse është akuzuar një ish-kryeministër”. 

 

Për këtë rast është e akuzuar edhe ish-ministrja, Gordana Jankullovska, por lënda është ndarë për shkak të shtatzënisë së rrezikshme që po kalon Jankullovska. Për të dëgjuar aktvendimin gjyqësor ishin mbledhur dhjetëra përkrahës të Gruevskit që u shprehën të pakënaqur me vendimin.