Dibër: Vjedhje në artari, 1 i vdekur 4 të plagosur

Një grabitje në mes të ditës në Dibër ka tmerruar banorët. Grabitës me maska në fytyrë janë futur në argjendarinë e vëllezërve Erebara.

 

Ngjarja nuk ka përfunduar vetëm me tentativë për vjedhje. Pronarëve u kanë ardhur në ndihmë kalimtarët e rastit, ata kanë parë grabitësit, kanë reaguar, më pas situata ka dalë nga kontrolli dhe në përdorim kanë hyrë edhe armët.

 

Shkëmbimi I  zjarrit ka rezultuar me një të vdekur dhe 4 të lënduar. Është lënduar pronari i argjendarisë Mexhit Erebara  dhe taksisti Agron Cami, i cili ishte marrë peng nga vjedhësit si garanci për të hyrë dhe dalë të sigurtë në vendin e ngjarjes.

 

Sipas drejtorit te spitalit te qytetit te Dibres Baki Halili 2 qytetarëve dibranë të plagosur iu është dhënë menjëherë ndihma e parë dhe janë dërguar urgjentisht  ne spitalin e Shkupit.

 

 

Ngjarja e rëndë ka tronditur banorët e Dibrës të cilët ndjehen të pasigurtë , autoritetet lokale akuzojnë policinë se nuk funksionon kur duhet. Vjedhësit kanë kërcënuar qytetarët madje shkrehjet e armëve kanë dëmtuar edhe lokalet përeth.  

 

Policia ndërkohë  ka konfirmuar rastin dhe  ka mbyllur të gjitha hyrje-daljet nga qyteti i Dibrës si dhe vendkalimin kufitar me Shqipërinë në Bllatë.  

 

Dyshohet se personi i vrarë është një nga vjedhësit të cilin shokët e tij kanë aritur ta tërheqin në anën tjetër të kufirit bashkë me të plagosurit .