Veterinerët: Të ulet tatimi për ilaçet

Një ndër çështjet që në mjekësinë veterinere konsiderohet si problematikë e theksuar dhe që po kërkon zgjidhje të shpejtë është çështja e tatimit të vlerës së shtuar tek barërat. Tatimi hë për hë është shum i lartë, andaj veterinerët kërkojnë që i njejti të jetë më i ulët,  sepse ndikon keq në punën dhe veprimtarinë e tyre.

 

Nga Oda e Veterinërëve të Maqedonisë pas konsultimeve të shumta me ekspertë finaciarë kanë dale me kërkesë drejtuar ministrisë së  Financave, që të ulë vlerën e tatimit nga 18% në 5%. Madje kjo zbritje e përqindjes sipas Odës nuk dëmton buxhetin e shtetit, por vetëm ndikon pozitivisht në punën e veterinerëve.  

 

”Tatimi 18 %  tek ilaçet veshtirëson mbijetesen e shumë kolegëve tanë të cilët punojnë në terren. Gjithashtu kjo ndikon në xhepin edhe të klientëve të cilët paguajnë me tepër, prandaj kërkojmë ulje të tatimit nga 18 ne 5 %. Është bërë edhe analizë me ekspertë ekonomik, dhe po del që  kjo ulje nuk dëmton aspak arkën e shtetit”, tha Tomisllav Nikollovski, Kryetar i Odës së Veterinerëve.

 

Ulja e tatimit madje pritet që të jep rezultate në vetë punën nëpër ambulancat e veterinës, sepse të njejtat do të jenë më të furrnizuara me ilaçe të nevojshme. Kjo do të ndalonte gjithashtu edhe shitjen ilegale të ilaçeve në treg, që konsiderohet si të rrezikshme për ti konsumuar nga kafshët, për arsye se mund të  shkaktojnë karrencë tek nmishi dhe qumshti, shprehen nga Oda e Veterinerëve të Maqedonisë.