Jashari- Hysa, diskutohet bashkëpunimi

Ministri i Drejtësisë Adnan Jashari sot u takua me ambasadorin e Republikës së Kosovës, Ylber Hysa.

Gjatë takimit u bisedua për bashkëpunimin me Republikën e Kosovës, në fushën e ekstradimit, transfereve si dhe në fushën e bashkëpunimit në materien juridiko penale.

Ministri Jashari theksoi se punohet në proceset reformuese që po ndërmerren ne drejtim  të sigurimit të sistemit më efikas dhe të pavarur gjyqësor, duke cekur se janë të mirseardhura këmbimi I përvojave mes  Maqedonisë dhe  Kosovës, sa i përket sferës së gjyqësorit. 

Gjithashtu ministri Jashari e informoi ambasadorin  Hysa për iniciativën e Ministrisë së Drejtësisë që ka të bëjë me lidhjen e Marrëveshjes së re juridike ndërkombëtare në fushën civile dhe tregtare.

Ambasadori Ylber Hysa theksoi se përpjekjet e tij në periudhën e ardhshme do të jenë në drejtim  të përforcimit të bashkëpunimit juridik mes  dy vendeve.