Kroaci, policia kroate plagos dy fëmijë migrantë

Siç raportojnë mediat kroate, policia qëlloi me armë në drejtim të shoferit të furgonit që po transportonte refugjatë në zonën e Stacionit të Policisë Donji Srb në kufi me Bosnjën.

Jozyrtarisht mësohet se shoferi i furgonit ka refuzuar të ndalojë furgonin pas sinjalit policor, duke detyruar policinë të përgjigjet me të shtëna armësh.

Shoferi i furgonit ka arritur të arratiset në mal, kurse policët në furgon gjetën 29 emigrantë të paligjshëm, ndërsa dy fëmijët e plagosur menjëherë janë dërguar në spitalin e Zarës. Sipas mediave, dy fëmijët e plagosur janë jashtë rrezikut për jetën.