Fajtorët ende të lirë, dibranët kërkojnë siguri
Jozyrtarisht mësojmë se automjeti me të cilin janë larguar grabitësit, është gjetur i braktisur në afërsi të kufirit.......
Nje dite pas grabitjes me dhune dibranet ende jetojne me frikën e grabitjes së djeshme me armë të artarisë në mes të qytetit. Jozyrtarisht mësojmë se automjeti me të cilin janë larguar grabitësit, është gjetur i braktisur në afërsi të kufirit.
Edhe këshilli komunal ka diskutuar sot jo vetëm për rastin e djeshëm, por për një seri të tërë vjedhjesh që kohëve të fundit shqetësojnë dibranët.
Kreu i komunës Ruzhdi Lata akuzon policinë, se vepron me neglizhencë dhe në mënyrë jo profesionale për të zbardhur rastet e vjedhjeve të cilat arrijnë në 100 në vit. Keshilli komunal i Dibres kerkon nga Ministria e Puneve te Brendshme të garantojë siguribnë e qytetarëve në këtë komunë dhe të zbatohen normativat ligjore per emerimin e komandantit te policisë.
Qytetarët nuk ndjehen të qetë , ata kërkojnë që Dibrës ti kthehet siguria dhe të ndërpriten vjedhjet e shtuara. Dibra është mbushur me mërgimtarë në këtë periudhë, as ata nuk ndjehen mirë në vendlindje.
Nga Komisariati i Policisë thonë se po punojnë në zbardhjen e rastit dhe kapujen e autorëve të vjedhjes. Aktualisht gëzon fakti qe dy te plagosurit gjatë vjedhjes me arme, jane jashtë rrezikut per jeten. (Atli Dema, TVM2)