Inovacione, shpërblehen 12 shkolla fillore dhe 8 të mesme

 Janë shpërblyer projektet për ndërtimin e një droni, një kopsht hidrofonik, një sistem i zbulimit të gazrave në ajër në ambiente pune, një serrë dhe projekti për rezistencën e kulturave kopshtare nga shirat acidik. Drejtori i FZHTI-së Jovan Despotovski së  bashku me ministrin e arsimit, Arbër Ademi theksuan nevojën e investimit në gjeneratat e reja.

 

“Ne duam të inkurajojmë krijimin e potencialit krijues në mes të të rinjëve dhe nga jut ë rinjtë nesër dikush nga kjo sallë të jetë ai që do të bëjë të njohur Maqedoninë”, tha Jovan Despotovski, drejtor i FZHTI.

 

“Dija dhe inovacioni i afrojnë vendet, kombësitë dhe në përgjithësi botën përpara. Kjo nuk është një floskulë e thjeshtë, por është fakt dhe realitet, veçmas për vendet të cilat nuk kanë alternative tjetër përveç të investuarit në kreativitetin e qytetarëve të tyre”, tha Arbër Ademi, ministër i arsimit dhe shkencës.

 

Kryeministri Zoran Zaev se shteti duhet të kujdeset për të ardhmen e të rinjëve, sepse të rinjtë e motivuar janë ndërtues të së ardhmes stabile dhe ekonomike.

 

“Me mundin dhe rezultatet të cilat i keni arritur, sot po e vërtertoni atë fakt. Në të ardhmen e di se shumë prej juve do të kenë karriera të sukseshme dhe të ndritshme, si inxhinier të njohur, mjek, ekspert, hirurg, e kështu me rradhë. Ne më të moshuarit e kemi për obligim ti hapim të gjitha rrugët që shpiejnë në të ardhmen tuaj me perspektivë”, tha Zoran Zaev, Kryeministër.

 

Në thirrjen publike e cila ishte e hapur prej 21 nëntorit gjatë vitit të kaluar deri më 15 shkurt të ketij viti janë paraqitur 98 shkolla me qindra projekte.