Festa e Fitër Bajramit, falja edhe sivjet në bulevardin e Tiranës

Besimtarët mysliman festojnë sot një nga festat më të rëndësishme në kalendarin islam, Fiter Bajramin.

Pas një muaji agjërimi, qindra besimtarë mysliman në kryeqytet janë falur që në orët e para të mëngjesit në bulevardin e “Dëshmorët e Kombit”.

Në fjalën e tij para besimtarëve, Myftiu i Tiranës, Ylli Gurra, ka uruar për më shumë paqe e begati, ndërsa ka bërë apel që të ndalet islamofobia.

Gjithashtu, Gurra ka kërkuar distancimin e besimtarëve mysliman shqiptar nga ekstremizmat e besimit islam, të cilët i ka konsideruar si “mortajë”.