“Ngjarjet e 27 Prillit”, pritet vendimi i Gjykatës Penale për akuzën

Gjykata Penale sot pritet të kumtojë për vendimin të cilin duhet ta marrin gjykatësit lidhur me 5 deputetet e VMRO-së, dhe ish ministrin e Punëve të Brendshme Mitko Çavkov, se a do të gjykohen  për rrezikim terrorist  të rendit  kushtetues  dhe sigurinë e vendit në ngjarjet e 27 prillit në Kuvendin Republikan.

Kryetari i Gjykatës Penale Ivan Xholev  dje ka konfirmuar  se vendimi është sjellur , por i njejti nuk do të publikohet  deri në momentin ku i njejti tu dorëzohet palëve. Këshilli tre anëtarësh  pas një periudhe 3 muajore pas dorëzimit të akuzës, është mbeldhur dje  dhe ka diskutuar  me dyer të mbyllura  për këtë çështje. Në akuzë janë të përfshirë gjithsej 30 persona  prej të cilëve 28 akuzohen  për rrezikim terrorist të rendit kushtetues  dhe sigurisë së vendit , ndërsa 2 personat e mbetur për logjistikë  gjatë kryerjes së veprës penale. Sipas Prokurorisë janë siguruar dëshmi  se të akuzuarit  kanë kryer më tepër vepra penale në vazhdimësi  për dhunë, hyrje dhe ushtrim të dhunës në hapësirat e Kuvendit  nga pozicione të ndryshme të koordinuara paraprakisht me qëllim të pamundësimit të funksionimit  të shumicës parlamentare  në Kuvendin e Republikës së Maqedonisë.   

Tani për tani  nuk është përcaktuar  akoma se kush mund të jetë porositësi I dhunës së ushtruar, të enjten e përgjakshme , ku sipas Prokurorisë ka pasur edhe tentim për vrasjen e deputetit  dhe njëherësh edhe kryetar I LSDM-së Zoran ZAev.  Prokuroria paralelisht po e ndjek edhe procedurën lidhur me atë se kush e ka bërë thirjen kyçe nga Vijena e Austrisë , pas së cilës turma  hyri  në Kuvend gjatzë ceremonies së zgjedhjes së Talat Xhaferit për  kryetar të Kuvendit Republikan. (Merita Gashi, TVM2)