Punësimet e policëve të rinj, rreth 30 kadetë, kërkojnë arsyet e refuzimit, MPB: Morën vlerësime negative të sigurisë

Kadetët policor, të cilët nuk kanë arritur të realizojnë marrëveshje për punë me Ministrinë e Brendshme, protestuan duke kërkuar tu bëhen të dituar arsyet se përse nuk u pranuan.

 “Pas publikimit të listës së rangimit ministri është i obliguar të sjellë vendim për nënshkrimin e marrëveshjeve për punësim sipas rezultateve të arritura në vet listën e rangimit. Ne kemi sjellë edhe vërtetimet që nuk kemi qenë të dënuar më pare. Ministri deklaroi se nuk i kemi kaluar  kontrollet e sigurisë, ajo bëhet në fillim të stërvitjes, neve na është thënë se i kemi kaluar dhe nuk kemi asnjë pengesë” – tha  Darko Petkovski- kandidat për polic.

Por nga MPB thonë se 37 nga kandidatët për policë, kanë marrë vlerësime negative të sigurisë.

“Angazhimi i tyre eventual do të thotë thyerje të dispozitave ligjore për krijimin e statusit të punës në Ministri, por njëkohësisht edhe përmbysje e sistemit të sigurisë”,  sqarojnë nga Ministria e Brendëshme. (Besim Abdullahu, TVM2)