Protesta në Rripin e Gazës, vriten dy palestinezë, mes tyre një 13 vjeçar

Dy palestinezë janë vrarë gjatë demonstratave të dhunshme përgjatë Rripit të Gazës me Izraelin.

Një 13-vjeçar u qëllua për vdekje në kokë dhe një 24-vjeçar vdiq nga plagët e shkaktuara me armë zjarri në këmbë dhe në bark, tha ministria e shëndetësisë e drejtuar nga Hamasi.Sipas raporteve djali u qëllua pasi tentoi të shkatërronte gardhin kufitar.

Adoleshenti hodhi gurë shumë pranë gardhit para që të qëllohej. Rreth 5000 palestinezë protestuan në 5 pika përgjatë kufirit.Protestuesit djegën goma dhe sulmuan forcat izraelite me gurë. Një bombë u hodh tek një grup ushtarësh.

Mbi 100 njerëz raportohet se janë plagosur gjatë protestave nga gazi lotsjellës dhe hapja e zjarrit nga izraelitët.