Takimi Zaev-Keçijang: Maqedonia dhe Kina të thellojnë bashkëpunimin ekonomik

Kryeministri Zoran Zaev gjatë takimit në Sofje me kryetarin e Qeverisë së  Kinës, Li Keçijang ka theksuar se thellimi i bashkëpunimit ekonomik mes Maqedonisë dhe Repulbikës Popullore të Kinës është shumë i rëndësishëm dhe do të kontribuojnë në zhvillim infrastrukturor dhe ekonomik të vendit.

 

"Jemi duke i hapur perspektivat për thellimin e bashkëpunimit ekonomik me Republikën Popullore të Kinës dhe dëshirojmë të bashkëpunojmë në projekte, të cilat do të kontribuojnë për zhvillim infrastrukturor dhe ekonomik të vendit. E cilësoj si shumë domethënse përkrahjen e rëndësishme që Qeveria kineze e ofron në përpjekjet për përshpejtimin e ndërtimit të dy autostradave, Kërçovë – Ohër dhe Milladinovc – Shtip", ka theksuar kryeministri Zoran Zaev.

 

Kryeministri i Maqedonisë në takimin ka informuar se procesi për vendosjen e regjimit pa viza mes dy shteteve është në fazë përfundimtare dhe potencoi se pret të rritet lëvizja dhe komunikimi mes qytetarëve të të dy vendeve, që do të rezultojë me zhvillim të turizmit, bashkëpunimit më të adh kulturor dhe vendosjen e relacioneve mël të afërta.