NATO mirëpret Maqedoninë, Stoltenberg: Dyert u hapën, finalizoni emrin

Sekretari i përgjithshëm aleancës, Jens Stoltenberg, duke kumtuar vendimin e ftesës zyrtare për anëtarsim të Maqedonisë, theksoi se kusht  për të qenë anëtare fuqiplote, është që Maqedonia t‘i përfundojë procedurat që lidhen drejtpëdrejt me implementimin e marrëveshjes me Greqisë. 

 

"Dyert e NATO-s janë dhe do të ngelen të hapura për të tjerët. Ngrohtësisht mirëpresim  marrëveshjen historike të muajit të kaluar për çështjen e emrit, mes Athinës dhe Shkupit, dhe sot u  pajtuam t’a thërrasim Shkupin ti fillojë bisedimet qasëse. Pasi që ti përmbyll të gjitha procedurat nacionale  për të finalizuar marrëveshjen për emrin, vendi do të hyjë në NATO si anëtare 30, me emrin e saj të ri, Republika, e Maqedonisë së Veriut", tha Jens Stoltenberg, sekretar i përgjithshëm i NATO-s.

 

Stoltenbereg përkujtoi edhe qytetarët se shansi i tillë vjen vetëm një herë në jetë dhe tani është Maqedonia ajo që duhet të vendos nëse do ta finalizojë ose jo Marrëveshjen për emrin.

 

"Kjo është mundësi që vjen njëherë  në jetë, ose do ta përkrahin marrëveshjen  dhe të bëhen anëtare, ose nuk do ta përkrahin dhe nuk do të bëhen anëtare. Nuk mundet ti fitojnë të dyjat. Nuk ka anëtarsim  pa ndryshimin e emrit. I takon popullit të vendos. Unë e përshëndes marrëveshjen. Qartë treguam se vendosëm ti fillojmë bisedimet, qartë treguam se kur të finalizohen të gjitha procedurat e brendshme, përfshirë edhe ndryshimin e Kushtetutës për implementimin e marrëveshjes me Greqinë... Nuk mund të bëhet anëtare pa ndryshimin e emrit. Kjo është zgjedhje e thjeshtë, dhe ju takon qytetarëve të IRJM-së ta bëjnë këtë zgjedhje", tha Stoltenberg.

 

Pas këtij vendimi të Këshillit - Veriatlantik, Maqedonia fillon bisedimet me NATO-n, proces që llogaritet  të zgjas rreth gjashtë muaj. Gjatë kësaj periudhe,  vendet anëtare të NATO-s duhet në parlamentet e tyre nacionale të ratifikojnë  marrëveshjen për pranimin e Maqedonisë në paktin Veri Atlantik.