ISIS vazhdon pushtimin e Irakut

 

Organizata e Kombeve të Bashkuara i ka konsideruar aktet e fundit të ISIS si një tragjedi për banorët e zonës. E megjithatë të dhënat paraprake të OKB-së tregojnë se deri në 200 mijë persona janë detyruar të lënë shtëpitë e tyre pas terrenit të fituar nga militantët.

 

I dërguari i posaçëm i OKB-së në Irak, Nickolay Mladenov u shpreh se Kombet e Bashkuara janë të shqetësuara për sigurinë e civilëve.

 

“Gjendja humanitare e tyre është raportuar si e tmerrshme dhe janë në nevojë urgjente për artikuj bazë, duke përfshirë ushqimin, ujin dhe shërbimet mjekësore” deklaroi Nickolay Mladenov I dërguari i posaçëm i OKB-së në Irak. 

 

Më herët ISIS mori nën kontroll Zumar dhe dy fushat e naftës afër forcave kurde Peshmerga. Kryesisht shteti i ri islamik ka konfiskuar një pjesë të madhe të territorit në veri të Irakut që nga nisja e ofensivës së madhe në qershor.