Turqi, burg të përjetshëm për tre persona

Burg të përjetshëm për 31 persona në Turqi, në kuadër të procesit gjyqësor, ku u akuzuan 316 persona për përfshirje në veprimet që ndodhën në Komandën e Shkollave të Xhandarmërisë gjatë tentativës për grusht shteti më 15 korrik 2016.

Në mesin e të dënuarve është edhe ish-komandanti i shkollave të xhandarmërisë të asaj periudhe, gjeneral brigade Sadik Koroglu.

Procesi gjyqësor është zhvilluar në kampusin e institucioneve të Ekzekutimit Penal ”Sincan” në Ankara nga Gjykata e Krimeve të Rënda nr. 20 të Ankarasë, ku kanë qenë të pranishëm të akuzuarit dhe ata në gjendje të lirë si dhe avokatët e tyre.

Pas mbrojtjes së fundit të të akuzuarve, kryetari i trupit gjykues, Melih Uçar, shpalli aktvendimin, ku thuhet se 31 persona janë dënuar me burgim të përjetshëm. Mes tyre bëjnë pjesë ish-gjeneralë brigade, ish-kolonelë, nënkolonelë dhe majorë.