Kumanovë, punohet për ndriçimin publik të qytetit

Në kuadër të Ndërmarrjes Publike Kumanovo Parking, me vendim të këshillit komunal të qytetit të Kumanovës, kësaj ndërarrje i është obliguar që të kujdeset rreth ndricimit publik të qytetit të Kumanovës me rrethinë.

Fadil Shabani, drejtor i “N.P.Kumanovo Parking”, për TVM2 thotë se kohëve të fundit janë bërë investime të mëdha në përmirsimin e ndricimit publik, e sidomos në ato lagje ku më së shumti janë të banuara me popullatë shqiptare.

“Duke filluar nga pjesa qëndrore e fshatit Sopot, ndricimin e plot të fshatit Vujnovic, pastaj kemi vazhduar në qytet si në “Lagjen e Trimave”, “Lagjen Dardania”, kemi bërë rregullimin e plot të ndricimit në parkun e vjetër të qytetit, kemi bërë vendosjen e shtyllave të reja me drita nga stacioni i autobusëve e deri te Xhamia e qytetit, kemi rregulluar komplet ndricimin në fshatin Cerkez, në stacionin hekurudhorë si dhe në fshatin Rramanli, të gjitha këto zona të banuara me shqiptarë” – tha Drejtori i “N.P.Kumanovo Parking”, Fadil Shabani.

Fadil Shabani, apelon deri te të gjithë ata banorë të cilëve në lagjet e tyre u mungon apo kan defekte, të mos hezitojnë port ë njejtit të lajmrojn ato që me kohë të intervenohet.

“Nëse ka defekte në teren duhet të paraqiten tek ne ku kemi edhe numrin e telefonit i cili është kujdestar në shërbim të qytetarëve ai është 071 / 307 – 619, ky është numri në të cilin potjetër të lajmërohen ata qytetar të cilët kanë defekte në lagjet e tyre , përndryshe nëse nuk i paraqesin defektet ne nuk e dijmë se ku duhet të intervenohet” – deklaroi Drejtori i “N.P.Kumanovo Parking”, Fadil Shabani.

Ndryshe sipas informacioneve të sigurara nga ekipi i TVM2, së shpejti do të merret iniciativë për rregullimin dhe ndrrimin e tërësishëm të ndricimit në sheshin e qytetit të Kumanovës. (Fatlum Aqifi, TVM2)