Shqipëria, 100 mijë euro Greqisë

Paratë do të jepen nga fondi rezervë i buxhetit të shtetit dhe do të lëvrohen nga Ministria e Punëve të Jashtme.

 

“Shqipëria ndjehet veçanërisht pranë Greqisë fqinje në këto orë tragjike për ata që humbën të dashurit e tyre dhe po përballen me pasojat e dhimbshme të një zjarri të tërbuar. Qeveria shqiptare sapo aprovoi një donacion në shenjë solidariteti me vëllezërit e motrat tona”,- shkroi kryeministri Rama në rrjetet sociale.

 

Vendimi i Qeverisë shqiptare vjen pasi dy ditët e fundit, disa fshatra në periferi të Athinës u përfshinë nga flakët, duke shkaktuar mbi 80 viktima e qindra të plagosur.

 

Zyrtarisht mes viktimave është edhe një shtetase shqiptare, ndërsa dyshohen që mes viktimave të jenë edhe dy të tjerë.