Pekin, shpërthim pranë Ambasadës amerikane

Një person ka shpërthyer një pajisje të vogël jashtë Ambasadës amerikane, në kryeqytetin kinez Pekin, njofton policia kineze. I dyshuari u identifikua me mbiemrin Jiang, 26 vjeç.

Në incident ka mbetur i plagosur vetëm personi që ka aktivizuar shpërthimin.

Një zëdhënës i ambasadës tha se shpërthimi ka ndodhur të enjten, rreth orës 1:00 pasdite, sipas kohës lokale. Një video e postuar në media sociale tregoi një kordon të policisë dhe tym në ajër, pranë kompleksit diplomatik.