Gabimi protokollar, qeveria i kërkon falje Austrisë

Gabimi protokollar, u vërejt vetëm pas reagimit të delegacionit austriak. Për këtë gabim protokollar, Qeveria zyrtarisht i ka kërkuar falje Republikës së Austrisë.

“Qeveria e Maqedonisë i kërkon falje Republikës së Austrisë për lëshimin e paqëllimshëm protokollar gjatë vizitës së kancelarit Sebastian Kurc në Republikën e Maqedonisë. Lëshimi është bërë nga shërbimi për protokoll në Republikën e Maqedonisë dhe Ministria e Punëve të Jashtme. Deri te ky gabim ka ardhur për shkak të ngjashmërisë së madhe në dimensionet dhe ngjyrat në flamujt e Austrisë dhe Letonisë”, thuhet në letrën e qeverisë.