Gjyqi masiv në Egjipt, 75 dënime kapitale, 47 të përjetshme

Në fund të seancës që kishte mbi 700 të pandehur, gjykata dha  75 dënime kapitale dhe 47 të tjera me burgim të përjetshëm, përfshi këtu edhe ish-udhëheqësit islamik.

 

Ata akuzohen për trazirat e shkaktuara gjatë protestës pro “Vëllazërisë Myslimane”, pas rrëzimit të ish-presidentit Mohammed Morsi në vitin 2013,  përfshi edhe kreun suprem të saj, Mohammed Badie.

 

Më herët këtë vit, Parlamenti egjiptian u dha oficerëve ushtarakë imunitet për goditjen vdekjeprurëse dhe krimet e kryera mes korrikut të vitit 2013 dhe janarit të 2016-s. Grupi i të drejtave të njeriut “Amnesti International” e cilësoi gjyqin si “jashtëzakonisht të padrejtë” dhe në shkelje të Kushtetutës së Egjiptit.