Shpallja e malit Sharr si “Park kombëtar”, Duraku: Zgjidhja ligjore, gati në 2019

Iniciativa e tillë u diskutua edhe në konferencën e organizuar nga BIRC- Instituti Ballkanik për Bashkëpunim Rajonal. Pjesmarrësit ishin pro shpalljes “Park kombëtar” të kësaj zone, një iniciativë kjo që ka mbështetjen jo vetëm të autoriteteve qëndrore por edhe atyre lokale. 

 

"Shpallja e parqeve kombëtare,  është edhe një kusht i BE-së, që Maqedoni duhet të plotësojë, ku në nivel të shtetit, 12% duhet të ketë zona të shpallura si “parqe nacionale”… Faza e parë valorizimit është kryer për parkun nacional të Sharrit, dhe deri në fund të vitit 2019-të duhet të përgatitemi edhe formën ligjore.Deri në fund të vitit 2019-të duhet që Mali Sharr të shpallet park nacional", tha Sadulla Duraku, Ministër i ekologjisë.

 

"Ky debatë është në funksion të ngritjes së vetëdijes për shpallje të Malit Sharr park nacional..Brenda kësaj kohe ne kemi përgaditur disa produkte mediale, ku janë prodhuar 6 spote sensibilizues për këtë cështej ndërkohë që kemi realizuar një film dokumentar pikërisht për këtë temë", tha Bardhyl Zaimi, nga Instituti Ballkanik për Bashkëpunim Rajonal.

 

Banorët e fshatrave që gravitojnë në Malin Sharr, kërkojnë më shumë sqarime dhe informata që do tu saktësonin se cfarë benefitesh apo detyrimesh kanë pas marrjes së vendimit përfundimtar.