Ahmeti: Vota “PËR”, fund ëndrrave të "Lindjes" në Ballkan

Vota për në këtë referendum, do t’i mundësojë vendit të rreshtohet në aleancën më të madhe ushtarake, është votë për Maqedoninë Evropiane, potencoi kreu i BDI-së, Ali Ahmeti. Ai është i bindur se përcaktimi i gjithhershëm i shqiptarëve “pro” perëndimit, do të jetë po aq i fuqishëm edhe me votën e tyre “pro” ardhmërisë. 

 

“Nuk dyshoj në përcaktimin e as në vullnetin e fortë të shqiptarëve që me 30 shqiptarëve t’i thonë “po” Evropës, “po” NATO-s, “po” ardhmërisë. Shqiptarët kanë qenë pjesë e pandashme e procesit, ne kemi qenë pjesë e zgjidhjes së këtij procesit, pjesë e zgjidhjes së këtij kontesti. Ju siguroj si vëllai i juaj, me anëtarësimin e këtij vendi në NATO dhe Bashkimin Europian përfundojnë ëndrrat e lindjes që të sundojnë me shqiptarët në këto hapësira. Dilni të votoni “PËR” Maqedoninë europiane më 30 shtator, se vendoset e ardhmja jonë, e ardhmja e këtij vendi”,- u shpreh kryetari i BDI-së, Ahmeti.

 

Sonte BDI mban takime me banorët e Studeniçanit dhe të Shuto Orizares.