Rusia ngriti hetim penal për rrëzimin e Ilushin

Komiteti hetues rus sot ngriti hetim penal për rrëzimin e aeroplanit rus të tipit Ilushin mbi Detin Mesdhe, kumtoi zëdhënësja e Komitetit, Svetllana Petrenko.

 

"Gjykatësi hetues dhe mjekët ligjorë nga Komiteti punojnë në vendin e ngjarjes, së bashku me përfaqësues të Ministrisë ruse të Mbrojtjes", tha Petrenko.

 

Për momentin po përcaktohen rrethanat e sakta në të cilat është rrëzuar Ilushin "IL-20" në të cilin humbën jetën 15 ushtarë rusë.

 

Për momentin dihet se aeroplani ishte në rrugë drejt bazës ajrore Hmejmim dhe se kontakti me ekuipazhin ishte humbur të hënën në orën 23:00.

 

Në momentin kur Ilushin ishte zhdukur nga radari, katër aeroplanë izraelitë F-16 kishin vepruar ndaj caqeve në rajonin Lakatija në Siri.

 

Ministria ruse e Mbrojtjes dje kumtoi se mbrojtja siriane kundërajrore e kishte rrëzuar aeroplanin./mia