Dhjetë të vdekur dhe dhjetëra të zhdukur gjatë rrëshqitjes së dheut në Filipine

Së paku 10 persona, mes të cilëve edhe një fëmijë, e humbën jetën, ndërsa dhjetëra të tjerë rezultojnë të zhdukur, gjatë rrëshqitjes së dheut në pjesën qendrore të Filipineve.

 

Rrëshqitja e dheut, e cila është shkaktuar nga reshjet e rrëmbyeshme të shiut që e kapluan këtë pjesë të Filipineve, i ka shkatërruar së paku 30 shtëpi.

 

Nga rajonet e goditura janë evakuuar 300 njerëz, ndërsa aksioni për shpëtim është në vijim. Druhet se të paktën 64  persona janë ngujuar nën gërmadha.

 

Mediat e Filipineve njoftuan se dy persona të cilët në shtëpinë e tyre, kishin mbetur nën dheun e rrëshqitur, kishin dërguar SMS-porosi për të kërkuar ndihmë.

 

Fundjavën e kaluar Filipinet u goditën nga uragani Manghut, ku e humbën jetën 88 persona./mia