Xhaferi: Të votojmë “po” për të hequr barrierat e izolimit; Ahmeti: Më 30 shtator votohet për shtet

 

Kreu i BDI-së, Ahmeti, kërkoi që të mos mendohet me kalkulime politike, sepse më 30 shtator votohet për shtet, e sipas tij, ky është momenti kur çdo qytetar e jo vetëm politikanët, janë burrështetasit që vendosin ardhmërinë e brezave të ardhshëm.

 

“Tani është çasti për vendimin historik, t’i heqim barrierat që na mbajnë të izoluar në këtë truall e nuk lejojnë të ecim para. Është koha të bëhemi një me familjen dhe vlerat evropiane. Të marrim vendim të drejtë se me votim “po”, ne i themi “po” ardhmërisë europiane, do i themi “po” NATO-s, do i hapim dyert për investime, vende të reja pune, hapësirë për të rinjtë për punë e studime”,- tha kryetari i parlamentit, Talat Xhaferi.

 

“Më 30 shtator duhet të gjithë ata që kanë dilemë, të mos llogarisin në zgjedhjet e ardhshme, por në shtetbërjen e  këtij vendi, sepse më 30 shtator votohet për shtet. Duhet të gjithë të veprojmë si burrështetas e jo të llogarisim në fitore partiake. Më 30 shtator nuk duhet menduar nëse votoj çfarë përfitoj, apo nëse duhet të bojkotoj. Më 30 shtator njerëzit dalin e  votojnë për ardhmëri e për siguri”,- tha kryetari i BDI-së, Ali Ahmeti.