Likovë, faza e dytë e rregullimit të shtratit të lumit

 

“Ne shohim potencial të madh në komunën e Likovës, por për ta shfrytëzuar këtë potencial duhet të ketë edhe siguri. Me këtë projekt shohim sidomos siguri për qytetarët prej vërshimeve potenciale, prandaj jemi të kënaqur me rezultatet e këtij projekti”,- tha Louisa Vinton nga UNDP.

 

“Përurojmë një ndër projektet kapitale që po realizohen në komunën tonë, mjetet kanë qenë të siguruara nga UNDP dhe nga Ministria e Mjedisit Jetësor dhe Planifikimit Hapësinor. Projekti kap vlerën prej rreth 200 mijë dollarë, ky realizim ka një kuptim të mirëfilltë dhe se do të jetë me perspektivë në të ardhmen”,- theksoi kryetari i komunës së Likovës, Erkan Arifi.

 

“Është kënaqësi e veçantë që të krijosh infrastrukturë për qytetarët e këtij vendi, ka qenë e pamundur të bëhet pa bashkëpunimin mes Ministrisë së Ambientit Jetësor, UNDP-në dhe pushtetit lokal”,- deklaroi ministri i ambientit dhe planifikimit hapsinor, Sadulla Duraku.

 

Nga UNDP thonë se projekte të këtilla në bashkëpunim me Ministrinë e Ekologjisë do të realizohen edhe në komuna tjera ku është e nevojshme.