MPJ e Shqipërisë: Qytetarët thanë “po”, e ka radhën kuvendi

Ministria për Evropën dhe Punët e Jashtme të Shqipërisë mirëpret votën “pro” të qytetarëve të Maqedonisë në mbështetje të Marrëveshjes së emrit me Greqinë në Referendumin konsultativ.

“Inkurajojmë vijimin pa vonesë të procesit të mëtejshëm legjislativ në Parlament për të iniciuar ndryshimet e nevojshme kushtetuese dhe për të zbatuar plotësisht Marrëveshjen e arritur në Prespë, si rruga e vetme për anëtarësimin e vendit në NATO dhe BE. Është koha që të gjitha forcat politike në Parlament t’i përgjigjen vullnetit të qytetarëve dhe me konsensus të gjerë të shfrytëzojnë këtë mundësi historike për avancimin e rrugës euroatlantike të vendit”,- thuhet në komunikatën për Evropën dhe Punët e Jashtme të Shqipërisë.