Asociacioni E-tregtia, blerjet online shënojnë rritjen për 20%

 

“Kemi rritje prej 20% në shitjet online, përkatësisht qytetarët e Maqedonisë kanë shpenzuar 63 milionë euro në gjysmë vjetorin e parë të 2018-s për shitje online. Nëse bëjmë krahasim me vitin e kaluar, siç thashë, ajo është 20% rritje nga vlera e përgjithshme, kurse ajo që është pozitive dhe na gëzon është se rritja drejt tregjeve vendore është më e madhe se sa rritja e kompanive të huaja”,- tha kryetarja e Asociacionit E-tregtia, Nina Angellova.

 

Pagesa përmes kartelave, serverët e sigurtë dhe besimi tek dërgesat postare janë arsyet kryesore për të cilat qytetarët vendosin të blejnë online.  

 

“E-tregtia adaptohet në shoqërinë moderne, por edhe krijon përvoja jashtë pritjeve të qytetarëve. Ajo u mundëson që të bëjnë pagesa digjitale të sigurta”,- tha menaxherja nga Bullgaria, Vanya Manova.

 

Nga Fondi për Inovacione theksojnë se fokusi i E-biznesit  vazhdon edhe vitin tjetër, kurse mbështetja për kompanitë online është 12.5 milion euro. Në vijim është edhe përgatitja e një strategjie të re për siguri, cyber.