Mançevski: Në administratë vazhdimisht ka konkurse të hapura

 

“Nuk mund t’i shohim punët vetëm nga njëra anë. Punësime në sektorin publik ka dhe do të ketë edhe në vazhdimësi, sepse institucionet tona kanë shumë nevojë për kudër të ri. Nuk ka vetëm punësime të reja nga administrata, por ka edhe shumë largime të personelit të kualifikuar, gjë që na shqetëson, mbase e kemi edhe të vështirë për t’i zëvendësuar të njëjtit nëpër institucione të ndryshme”,- deklaroi ministri i shoqërisë informatike, Damjan Mançevski.

 

Duke iu përgjigjur pyetjes së gazetarëve në konferencën e sotme për E-tregti, ministri Mançevski tha se raporti vjetor, i cili do të duhet të publikohet deri në muajin mars, do të tregojë më mirë situatën me numrin e të punësuarve në administratën publike.