Fondacioni “Trajçe Mukaetov”, ndan 40 bursa për studentët e mjekësisë

Fondacioni “Trajçe Mukaetov” ka ndarë 40 bursa të reja në vlerë prej 6500 denarë për 12 studentët e Fakultetit të farmacisë dhe 28 për studentët e Fakultetit të mjekësisë në Universitetin “Shën Kirili dhe Metodi” për vitin akademik 2018-2019. Nga ky fondacion thonë se nga bursat e pranuara kanë diplomuar 458 studentë, prej të cilëve në kompaninë e Alkaloidit tani më punojnë 64 studentë nga fakulteti i farmacisë dhe 5 nga fakulteti i mjekësisë.

“Nga gjithë  këto studentët të cilët kanë pranuar bursa, 64 studentë nga Fakulteti i farmacisë tani më punojnë në kompaninë e Alkaloidit dhe 5 nga Fakulteti i mjekësisë. Bursa është me vlerë prej  6500 den. gjatë tërë vitit për studentët”,- theksoi drejtori gjeneral i “Alkaloid AD”, Zhivko Mukaetov.

“Stafi i arsimuar dhe profesional është një parakusht i mirë për një sistem shëndetësor të mirë dhe të gjitha këto aspekte të përbashkëta do të kontribuojnë në atë që të jetë në një nivel evropian apo botëror, e gjithë kjo është për të mirën  e qytetarëve”,- u shpreh dekani i Universitetit “Shën Kirili dhe Metodi”, Nikolla Jankullovski.

Fondacioni “Trajçe Mukaetov” është formuar në maj të vitit 2017 nga Këshilli i Alkaloidit me të vetmin qëllim, që t’u dalin në ndihmë studentëve të talentuar të mjekësisë. (Rejhane Bushi Metaj, TVM2)