OPM, 150 fatkeqësi në muaj ndodhin gjatë punës

 

“Fatkeqësisht më shumë rol dhe ndikim në sigurinë dhe shëndetin  gjatë punës kanë marrë personat e jashtëm adekuatë dhe personat juridikë, ndërsa realisht disa prej tyre as që kanë hyrë në kompanitë, ndërsa bëjnë deklarata për përqindjen e sigurisë dhe rrezikut. Andaj vlerësojmë se duhet t’i jepet më shumë rëndësi personave kompetentë të cilët çdo ditë janë nëpër kompani dhe në mjedise të cilat duhet të analizohen”,- deklaroi kryetari i Organizatës së punëdhënësve të Maqedonisë, Angell Dimitrev.

 

Sipas Këshillit nacional për siguri dhe shëndet gjatë punës, e rëndësishme është të implementohet strategjia dhe plani aksional për shëndet dhe siguri gjatë punës 20-20, por rol të veçantë të ketë Inspektorati i punës.

 

“Inspektorati shtetëror i punës patjetër duhet t’i përforcojë kapacitetet, kjo është detyrë e Ministrisë së Punës dhe Politikës Sociale. Edhe në raportin paraprak të KE-së ishte një nga vërejtjet kyçe, Inspektorati i punës të drejtohet, të përforcohet dhe të veprojë ashtu siç duhet”,- tha kryetarja e Këshillit nacional për siguri dhe shëndet gjatë punës, Jovanka Bislimovska.

 

Nga Organizata e punëdhënësve potencojnë se nga të gjitha kompanitë e huaja vetëm një ose dy prej tyre kanë sindikata në vendin tonë, ndërsa të tjerat jo, edhe pse në kompanitë amë të tyre një gjë e tillë funksionon.