3 modele për reforma në shërbimet e sigurisë, Spasovski: Na duhet model i përshtatshëm

Sipas planit aksional deri më 15 nëntorë duhet përcaktuar dhe dorëzuar qeverisë modelin për reformimin të shërbimeve të sigurisë të vendit ndërkaq duhet përzgjedhur modelin e përshtatshëm për specifikat e vendit deklaroi ministri brendshëm Oliver Spasovski gjatë një debati kushtuar reformave në fushën e organeve të sigurisë së vendit.

“Në rajon dhe evropë ka shumë modele që kanë domethënien e një shembulli të mirë të reformave në sistemin e sigurisë, megjithatë përshkrimi i çdo modeli nuk është mënyra më e përshtatshme për reformë edhe të shërbimit tonë. Fakt është se segment kyç në këtë reformë është arsyeja në kuptimin e potencialit njerzorë që kanë këto organe duke i dhënë theks të veçantë për ta rregulluar këtë juridikisht” – tha Ministri i Punwve tw Brendshme, Oliver Spasovski.

BATKOVSKI: TË THEMELOHET AGJENCI E VEÇANTË

Profesori universiversitarë në fakultetin e sigurisë Tome Batkovski me propozim konkret.

“Unë proozoj themelimin e një Agjencie kombëtare të sigurisë krejtësisht jashtë nga MPB e cila nuk do të ketë autorizim policorë e cila do të duhej të jetë e lidhur me një njësi të specijalizuar të MPB-së e cila do ti kryente shërbimet policore për agjencinë e re. Njëkohësisht do të duhej të ishte në një ldhje të ngushtë me prokurorinë e përgjithshme” – u shpreh Profesori në Fakultetin e Sigurisë, Tome Batkovski.

NIKOLLOVSKI: SISTEMI I DERITANISHËM ËSHTË ME MANGËSI

Sistemi i deritanishëm ka dëshmuar mangësi gjatë funksionimit thotë profesori Marjan Nikollovski.

“Pjestarët e DSK-së nuk kanë ligjin e tyre. Ata punojnë në kuadër të ligjit për MPB-ë si një nga elementet strukturale të MPB-së. Në më shumë segmente kjo paraqitet si hendikep. Kjo është vetëm një segment në kuadër të dobësive të sistemit të tanishëm. Këtë model ka kohë që e kanë shmangur në rajon” – theksoi Profesori në Fakultetin e Sigurisë, Marijan Nikovski.

Në tavolinë ndodhen tre modele të mundshme për funksionimin e mëtejmë të sistemit të sigurisë dhe kundërzbulimit. Opsioni i parë është vazhdimi i modelit të deritanishëm me të cilin DSK mbetet në kuadër tëMPB-së. Modeli i dytë parashikon ndarjen e DSK-së nga MPB-ja, si një organ i veçantë dhe i pavarur.

Modeli i tretë, parasheh bashkimin e DSK-së me Agjencinë e Iteligjencës, gjegjësisht formimin e një organi të veçantë të administratës shtetërore. (Naim Ramadani, TVM2)