Policia e burgut solli Janakieskin në Gjykatë

Me furgonin e burgut hetimor “Shkup”, dhe në prani të policisë së burgut, ish-ministri Mile Janakieski u soll në Gjykatën Penale.

Ai u soll në gjykatë përmes garazhit të gjykatës.
Janakieski është në paraburgim në burgun e Shutkës prej dy ditësh, me kërkesë të PSP-së, sepse kishin informacione se ata planifikonin të arratiseshin.

Ai duhet të marrë pjesë në seancën dëgjimore për rastin “TNT”, e cila sipas të gjitha gjasave do të duhet të shtyhet për shkak se i akuzuari Nikolla Gruevski është në arrati.