Rikonstruimi i Teatrit Shqiptar në Shkup, Ministria e Kulturës: Asnjë akuzë ndaj Teatrit Shqiptar

 

“Jemi shumë të kënaqur dhe drejtori e pranoi me shumë kënaqësi këtë vendim të ministrit, sepse ishte e nevojshme që dikush njëherë e përgjithmonë të bëjë një analizë të detajuar me atë se çfarë ka ndodhur me objektin e Teatrit Shqiptar dhe të pastrohen disa mjegulla të cilat tentohen t’i servohen opinionit. Është një analizë e kristalizuar e çdo dokumenti që ka hyrë dhe ka dalë në Teatrin Shqiptar dhe që ka të bëjë me objektin”,- u shpreh përgjegjësja për marrëdhënie me publikun në Teatrin Shqiptar, Anita Latifi.

 

Latifi shpreson që edhe organet tjera të cilat duan të dinë më shumë rreth këtij objekti, do të qasen në mënyrë profesionale. Sipas  saj, punimet në objektin e teatrit pritet të përfundojnë në muajin dhjetor, ndërsa në janarin e vitit të ardhshëm do të bëhen analizat e pajisjeve dhe me këtë rast do të fillojë funksionimi i kësaj qendre teatrore.