Rrëshqitja nxjerr trenin nga shinat, një i vdekur e 6 të plagosur në Spanjë

Një person ka humbur jetën dhe 6 të tjerë janë plagosur këtë të martë, pasi një tren pasagjerësh doli nga shinat pranë Barcelonës, për shkak të rrëshqitjeve të dheut si pasojë e reshjeve të dendura të shiut.

 

Lajmi është zyrtarizuar edhe nga operatori hekurudhor i Spanjës dhe shërbimet e emergjencave civile.

 

Aksidenti ka ndodhur në qytezën Vacarisses, rreth 35 km në verilindje të Barcelonës, kur dy prej 6 vagonëve të trenit dolën nga shinat, ngjarje e njoftuar përmes “Twitter”-it nga shërbimet e emergjencave.

 

Rajoni në fjalë është goditur ashpër nga reshjet e furishme gjatë ditëve të fundit.

 

Në tren pati rreth 150 persona në momentin e aksidentit, ndërsa në ndihmë të tyre shkuan zjarrfikës lokalë dhe punonjës të shpëtimit, që ndihmuan pasagjerët të evakuoheshin./Top Channel