Xhaferi, në sesionin e Asamblesë Parlamentare të NATO-s

 

 

“Mundësitë janë këtu para nesh dhe ato janë pikërisht integrimet euroatlantike, gjegjësisht anëtarësimi në NATO dhe Bashkimin Evropian. Mos të harrojmë se proceset eurointegruese kontribuojnë që përkufizimi për "Ballkanin si fuçi baruti", ngadalë por sigurt shkon në histori, a besoj se të gjithë ne që jetojmë në Ballkan e kemi mësuar leksionin historik dhe në të ardhme do të jemi oaza e paqes, e bashkëpunimit rajonal dhe marrëdhënieve të mira fqinjësore”,- theksoi Xhaferi. 

 

Xhaferi ka siguruar aleancën se obligimet vendore për anëtarësim në NATO do të përfundohen në afatin e paraparë.

 

“Dëshiroj që edhe njëherë t'u bind se obligimet tona për anëtarësimin e plotfuqishëm do t’i përfundojmë në afatin e paraparë dhe shpresoj se vitin e ardhshëm në këtë kohë do të jemi anëtare e plotfuqishme e kësaj familje”,- tha Xhaferi.  

 

Kryetari i kuvendit, Talat Xhaferi, ka falënderuar aleancën për ndihmën që ka dhënë vazhdimisht në kohë krizash për Maqedoninë në mënyra të ndryshme. Shpreh mirënjohje si për aleancën ashtu edhe individualisht për çdo shtet anëtar të këtij pakti, ka përfunduar fjalimin e tij në sesionin e 64 të Asamblesë Parlamentare të NATO-s, që u mbajt në Kanada, kryeparlamentari Xhaferi.