28 nëntori - Dita e Flamurit, shënohet në të gjitha trevat shqiptare

Sot në të gjitha trevat shqiptare ku jetojnë dhe punojnë shqiptarët Shqipëri, Kosovë, Maqedoni dhe diasporë shënohet  dita e flamurit.

Me rastin e Ditës së Flamurit Kombëtar Shqiptar si dhe të shpalljes së pavarësisë, sot në hotel Aleksandar Pallas organizohet Akademi solemne nën përkujdesjen e kryetarit të Bashkimit Demokratik për Integrim, Ali Ahmeti.

Ndërkaq, nën organizimin e Ambasadës së Republikës së Shqipërisë në Shkup, u organizua pritje për shënimin e 106 vjetorit të Ditës së Pavarësisë së Shqipërisë, “28 Nëntorin”, ku kanë qenë të pranishëm funksionarë të lartë shtetëror, përfaqësues të gjitha partive politike shqiptare, si dhe ministra e funksionarë të ndryshëm nga LSDM-ja.

Ambasadori i Republikës së Shqipërisë, në Maqedoni, Fatos Reka ka uruar gjithë shqiptarët në këtë festë madhështore duke përkujtuar edhe rëndësinë e bashkëpunimit të ndërsjellë midis dy shteteve.