DSHM: Kushtetuta është burim i së keqes në Maqedoni

Me moton “Jo frikës, po protestave; jo anarkisë, po lëvizjes; Jo dhunës, po drejtësisë; jo diskriminimit, po demokracisë dhe jo unitarizmit po vetëvendosjes”, Diaspora shqiptare e Maqedonisë paraqiti pikat në të cilat sipas saj duhet të bashkohet opozita shqiptare. 

 

“E keqja më e madhe për shqiptarët e Maqedonisë vjen nga sistemi unitar i Shtetit dhe sistemi i tij zgjedhor, që nuk përmbush standardet demokratike, e keqja e dytë është vetë politika e regjimit të Gruevskit, i cili jeton nën maninë nacional-shoviniste, për të qenë i madh sa vetë Aleksandri i madh”- deklaroi udhëheqësi i Diasporës për Maqedoni nga Brukseli, Mehmet Ahmeti.

 

Sipas DSHM-së, problemi në Maqedoni është politik dhe buron nga Kushtetuta.

 

Sistemi politik i Shtetit unitar, nuk është kompatibil me realitetin etnik të shqiptarëve të Maqedonisë, thuhet më tej në pikat e DSHM-së të udhëhequr nga Musa Lamallari.