Politikat investuese në Ballkanin perëndimor, kërkohet qasje e integruar për investitorët

 

“Përmirësimi i atraktivitetit të rajonit për investitorët dhe forcimi i lidhjeve midis vendeve të Ballkanit Perëndimor, krijimi i vendeve të reja të punës, tërheqja e investimeve të huaja që do të sjellin transferimin e njohurive dhe teknologjinë, rritjen e mbështetjes direkte për sipërmarrjen dhe inovacionin, do të ishin rezultatet e zbatimin të suksesshëm të agjendës së RIRA-s, e cila është një nga iniciativat e Procesit të Berlinit, lidhur me zgjerimet e ardhshme të Bashkimit Evropian”,- tha kryetarja e LOEM-së, Daniela Arsovska.

 

"Çdo ekonomi nuk duhet të jetë në konkurrencë me njëri-tjetrën, por nevojitet një qasje e integruar për investitorët. Duke vepruar si një treg i vetëm, mundësitë për tërheqjen e investitorëve të mëdhenj dhe seriozë janë më të mëdha. Zbatimi i agjendës RIRA është përgatitja për hyrjen në tregun e madh evropian”,- u shpreh sekretar i përgjithshëm i Këshillit të Bashkëpunimit Rajonal, Goran Svilanoviç.

 

Forumi u organizua nga Qendra për Kërkim dhe Krijim të Politikave në bashkëpunim me LOEM në kuadër të projekteve rajonale të agjendës RIRA.