Hotël, fillon ndërtimi i sallës sportive

Në shkollën fillore “Andon Zako Cajupi” të fshatit Hotël, në komunë të Likovës, tash e disa ditë kan filluar punimet rreth ndërtimit të sallës së sportit. Ndëtimi i sallës së sportit, është në kuadër të projektit qeveritarë për ndërtimin e 145 sallave sportive, dhe financohet nga ministria e arsimit dhe shkencës së Republikës së Maqedonisë.

 

“Ne si komunë i kemi bërë të gjitha përgatitjet e nevojshme rreth dokumentacionit teknik, rreth lejë së ndërtimit dhe bashkarisht me pushtetin qëndror dhe me ministrinë e arsimit, kemi arrit që të filloj ky investim capital i shumë pritur në shkollën fillore “Andon Zako Cajupi”, afati i punimeve ndërtimore është 9 muaj nga dita e fillimit të punimeve, shpresojmë se vitin e ardhshëm do të kryhen gjitha punimet e parapara për këtë sallë sportive”, tha mes tjerash Erkan Arifi, kryetar i komunës së Likovës.

 

Arifi, për TVM2 tha se përpos terreneve të mbyllura sportive që po ndërtohen në komunën e Likovës, një tjetër terren sportiv, por i hapur do të ndërtohet në fshatin Opajë.

 

“Në fshatin Opajë, në shkollën fillore komunale “7 Marsi”, aty ne si komunë kemi paraparë rregullimin apo ndërtimin e një terreni të hapur sportiv”, u shpreh Arifi.

 

Ndryshe, nga ana e zyrtarëve komunal të komunës së Likovës, janë paraljmëruar edhe shumë projekte tjera me qëllim përmirsimin e kushteve në shkollat fillore dhe të mesme të kësaj komune.